مشروع لا يزال لسانك رطبا من ذكر الله

السلام عليكم ورحمة الله وبركاته

قال رسول الله - صلى الله عليه وسلم - (خير العمل أن تفارق الدنيا ولسانك رطب من ذكر الله) صحيح رواه أبونعيم في الحلية

انا فكرت فى الفكرة دى وباذن الله تعجبكوا

هى اكيد فى كتير مننا بيعملها ومواظب عليها وفى ناس اكيد بتعملها شوية وتقف شوية

بس باذن الله واحنا مع بعض وبنشجع بعض هيكون ليها طعم تانى وثواب اكبر

وعشان تبقى فيها استمرارية لكل واحد فينا باذن الله

وهى اننا هنجيب (( سبحة )) تكون 99 او 33 مش مشكلة واكيد كلنا عندنا ((سبح )) كتير فى البيت

او ممكن نستخدم ادينا كل واحد على حسب ميحب ويرتاح

لان فى ناس كتير بتتلغبط لو سبحت على ايديها فهترجع لحريتكم الشخصية

وهنتفق على بعض الاذكار اليومية اللى هنقولها (( 100 مرة )) وكل واحد يكتبها عنده عالجهاز

وهتعتبر زى ورد يومى لينا نتفق عليه

وكل يوم ندخل نقول (( تم بحمد لله )) لما نكون قولنا الورد بتاعنا

وممكن تعملوه فى اى وقت من اليوم براحتكو

او تقسموه جزء الصبح وجزء بالليل بحيث ان يومنا يبقى كله مليان بذكر الله

وممكن نعمل جدول واخر كل اسبوع يجيب الجدول يحطه هنا ويحاسب نفسه بأمانه

ونحاول دايما نطمن على بعض .وكلنا نعزم النية اننا باذن الله مكملين سوا فى الموضوع

وهنتجمع على حب وطاعة وذكر ربنا دايما

واللى من الاول هيشترك معانا يقولنا من البداية عشان نقدر نتابعه ونطمن عليه ونشجعه باذن الله

طبعا دى لسة فكرة فى البداية ياريت اللى عندو اى رأى او فكرة يقول عليها ونوصل للشكل النهائى مع بعض باذن الله

وهنبتدى الاول ب 9 اذكار

وهما (( سبحان الله وبحمده سبحان الله العظيم )) و (( لا حول ولا قوة الا بالله )) و (( سبحان الله والحمد لله ولا اله الا الله والله اكبر)) و (( الصلاة على النبى صل الله عليه وسلم ))

(( سبحان الله )) و (( الحمد لله )) و (( لا اله الا الله )) و (( استغفر الله )) و (( سبحان الله وبحمده ))

وفى مشاركاتى الجاية باذن الله هكتبلكوا فضل بعض الاذكار دى

وربنا يثبتنا ويكرمنا يااااااااااااااارب

متنسوش ترفعوا الموضوع والتقييم لو عجبكوا

» فضل الاستغفار وما أعده الله للمؤمنين في الجنة نسأل الله أن نكون منهم
» ملف كامل عن حياة رسول الله محمد صلى الله عليه وسلم
» أم كلثوم بنت رسول الله صلى الله عليه وسلم
» رقية بنت رسول الله صلى الله عليه و سلم
» كيف تتعامل مع الله