ملف كامل لتجميد الاطعمه

بداية حبيت انقل ليكم معلومات مهمه جدااا عن التفريز منقوله من ابله دينا جزاها الله خير

اولا :- انتى بتجمدى الطعام وبتحفظيه ليه ؟؟؟
· اولا لتوفير وقت وقوفك فى المطبخ فى عمل عده اصناف
· ثانيا علشان لو طب عليكى ضيوف او اقارب بدون سابق ميعاد
· والاهم اذا اتصل بيكى زوجك عن حضور اصدقاء معاه من الشغل فجأة
· ومهم علشان تضمنى المجمدات من حيث النظافه
· واخيرا اذا كنتى او اسرتك بتحبى نوع معين من الخضار او الفاكهه وبتحبى تاكليه دايما ولكن بيكون الصنف ده موسمى يعنى بيجيله وقت ومبيكنش موجود فى السوق

وفيه بس ملاحظه بلاحظها فى تفكير بعض البنات وهى انها بتفتكر ان الحفظ ده بيتم بكميات كبيرة وبتبقى مبسوطه ان كل الانواع محفوظه عندها وان الفريزر عمران بالطعام والمعلومه دى مش مظبوطه لان مش معنى انى حفظت الاكل فى الفريزر انه حيعيش عندى فى الفريزر زى ما انتى عاوزة او لفترة طويله وده غلط
ليــــــــــــــــة ؟
لان الديب فريزر بتاع المحلات والمخازن الكبيرة مش زى الديب فريزر بتاع البيت ابداااااا
هل ممكن تتبعى كل اصول التفريز وبالرغم من كده مينجحش ؟؟ نعــــــم
ليــــــــــــــه؟
بسبب حاجة كبيرة قوى ومضره قوى ولكنها عبيطه قوى وهى :-
طريقه ترتيب الاطعمه فى الفريزر او الديب فريزر يعنى تحطيهم جنب بعض ولازقين فى بعض او تحطيهم فوق بعض وكل ده مش صح يعنى اهتمى كمان بطريقه وضع وترتيب الطعام المطلوب تجميده لان الوضع السىء بيخلى اللحمه مثلا تتجمد ببطىء لان درجة البروده مش وصلالها كويس فتكون النتيجة ان اللحمة بتسرب السائل بتاعها وبالتالى لما تيجى تطبخيها بيكون اللحم ملهوش نكهه اللحمة الطازجه وبتكون لينه عند الطهى
ثانيا. هل كل الطعام يتفع يتجمد ؟؟ حنشوف
· اللحمه النيه و اللحمه المطهيه ..ايوة صالحه للتجميد وبتحتفظ بجودتها وبطعمها
· الخضار المطهى .............ايوة صالح للتجميد
· المحبوزات .......ايوه صالحه للتجميد

لكن .......الحاجات اللى مبنفضلش نجمدها مبنفضلش ليه ؟؟؟؟؟.
· خضار السلطة زى الخيار والخس والجرجير والبقدونس والطماطم كلها لاتصلح للتجميد لانها بتذبل وبتفقد سوائلها وشكلها الطازج لما بيذوب الثلج عنها
· بعض الفواكه زى الموز والبطيخ والشمام والفراوله تفقد شكلها وصلابتها وبتتسرب سوائلها ايضا
· البيض المسلوق جامد لايصلح للتجميد لأن بياض البيض بيكون كالأسفنج ويتغير طعمه
· صلصه المايونيز لا تصلح للتجميد لان مكوناتها تنفصل عند اذابه الثلج
· التورتة والجاتوة والفطائر المحشوه بالكستردة والمجمله بالكريم شانتى
· الذبادى والكريم شانتى لاتصلح للتجميد لان مكواناتها تنفصل الا اذا كانت مختلطه بمواد اخرى كا لأيس كريم
طيب هل من الضرورى ان نذيب الثلج ونفك التجمد قبل استخدام الطعام ؟؟ ولا ممكن نسويه على طول وهو متجمد يعنى من الفريزر للفرن على طول ؟؟؟
فى معظم الحالات ....نعم ......
يفضل اننا نذوب الثلج قبل طهبها وبالاخص المقاطع الكبيرة من اللحمة التى تنضج من الخارج ويبقى داخلها نيئا باردا ....
ولكن بمجرد اذابه الثلج يجب ان تطهى مباشرة حتى لاتتعرض للفساد
وايضا فى الانواع التى تغلف بالبيض والبقسماط (البانية) او الدجاج المخلى او الحمام فيجب صهر الثلج قبل طهيها لاعاده غسلها مره اخرى من بقايا الدم وميكروب السلمونيلا (وهو نوع من البكتريا السامه ) التى توجد غالبا فى الدجاج

اما الاطعمه التى لاتحتاج الى اذابه الثلج قبل طهبها:-
الخضر المجمده كالبسله والفاصوليا الخضراء وغيرها
الخضر المطهيه بصلصه الطماطم وطواجن الخضار
انواع الحساء
شرائح اللحم
كباب الحله
اللحم المفرى للعصاج
اما التى توضع فى الفرن فيجب ان تصهر نوعا حتى لا ينكسر البايركس وحتى لا تأخذ وقتا
طويلا قد يؤدى الى احتراق السطح وجفافه
طيب ازاى نسوى الخضار المجمد ؟
يجب ان نضع الخضر على نار هادئة لاعاده تسخينها او طهيها وهى فى الحاله المجمدة مع اعطاء الوقت الكافى حتى تصل الحرارة الى داخلها مع تقليبها باحتراس بعد ذوبان الثلج
ايه هى الادوات المناسبه لتغليف وحفظ الاطعمه بالتجميد؟؟
1- الاكياس البلاستيك النظيفه السميكة بمختلف الاحجام
2- الاطباق البايركس والطواجن الفخار وهى مأمونه لحفظ الاطعمه كالمكرونة بالبشاميل والكانيلونى والخضر بالصلصة ، ويمكن اعادة تسخينها بالطعام المجمد
3- العلب البلاستيك المختلفه الاحجام والاطباق البلاستيك والكرتون القوى والفويل
4- من الممكن استعمال الكزرولة والاوانى المستعمله يوميا حتى يتجمد الطعام بها ....ازاااى ؟؟؟
انك تبطنى الكزروله الاول بالفويل
وبعدين تحطى الطعام المطلوب تجميده زى المحشى والخضر المطهيه
ثم نضعها فى الفريزر لحد ما يتجمد الطعام
ثم ناخد الطعام بعد ما اتجمد زى ماهو بالفويل حيكون كده الطعام أخد شكل الاناء اللى اتحط فيه
ثم نضعه داخل كيس بلاستيك ويقفل جيدا ويوضع فى الفريزر حتى لايشغل مكانا كبيرا ...
وعند الحاجة ينزع الفويل ويعاد وضع الطعام فى الاناء الذى وضع فيه قبل التجميد لاعاده تسخينه او طهيه
طيب ازاى نقفل العبوات ؟؟؟؟
لالالالابد من اخراج الهواء بقدر الامكان قبل التجميد وهى طريقه سهله اذا كان المستعمل كيس بلاستبك ...ازاى ؟؟؟
يملأ الكيس الى 3/4 ة بالطعام المطلوب تجميده كالخضر مثلا ويوضع على المنضده ويضغط على الكيس فى اتجاه الفتحه لاخراج الهواء بقدر الامكان ثم يقفل جيدا ( بتسخين نصل سكين ويمرر على الحواف مع الضغط عليها فتلتصق ببعضها
· اما فى حالى العلب والاوانلى فلا يمكن اخراج الهواء الذى يعمل على تغير اللون ولذلك يجب ان :
يملأ الاناء الى 3/4 ة ويغطى سطحه بالفويل او ورق ذبد قبل قفله او وضعه داخل كيس بلاستيك حتى لا تتأكسد المحتويات بفعل الاكسجين ويتغير لون الطعام وشكله ويجف سطحه

اللحوم

اولا الكفته
احسن طريقه لعمل كفتة الحاتي برضو بتاعة ابله دينا ومجرباها من زمان
كيلو لحمه برازيلي
ربع كيلو دهن ونفرمهم مع بعض ونضيف الملح والفلفل والتوابل بتاعتنا وشوية بقدونس
ونبشر بصل كتير وناخد مايته
ونبل ايدينا في ماية البصل ونصبع الكفته
ونرصهم في اطباق مفرودين وندخلهم التلاجه لحد مايجمدوا وبعدين ممكن نرصهم في طبق واحد

ملف كامل لتجميد الاطعمه 29_126_1614_47

يتبع

اللحمه العصاج
بجد احلي طريقه للحمه العصاج واصحها هي من منال العالم

نجيب صينيه كبيره طبعا لأننا بنعمل عصاج للتفريز وللحشو بتاع الفطاير الي هجمدها
نحط زيت في الصينيه وبعدين اللحمه وفلفل وبهارات ولو تحبي رشة قرفه
ونقلب كويس لحد ما اللحمه تنزل مايتها كلها وتنشف يعني حوالي عشر دقايق
وبعدين نضيف بصل مفروم كتير وتوم وملح ونقلبها شويه وبسسسسسسسس
وناخد الجزء ألي هنجمده ونقسمه لأكياس ونبططه شويه بحيث يكون الفريزر مستطيل ونرصه في

ملف كامل لتجميد الاطعمه CiwofY07111057

[size=21]البفتيك
تتبيلة البفتيك معروفه
بصل مبشور وعصير طماطم او طمطمايه مبشوره وملح وفلفل وبهارات ومعلقتين خل (ومعلقة زيت عشان الطبقه مش تقع اثناء القلي )
ونتبل القطع من قبلها بليله وبعدين نحضر طبق فيه دقيق وطبق بيض مضروب بفلفل اسود وطبق فيه بقسماط وعليه رشة ملح وكاري وشطه لو عايزاه سبايسي
وبالترتيب تتبلي القطع بعد ماتنفضيها من تتبيلتها الاولانيه كويس
الاول دقيق وبعدين بيض وبعدين بقسماط وتضغطي عليها بايدك كويس وترصيها في طبق كبير جنب بعض وتدخليها التلاجه
ولما تجمد ترصيها فوق بعض في طبق واحد وبينهم طبعا ورق بلاستيك عشان سهولة انك تاخدي للمره
وممكن تقسمي كل طبخه في كيس لوحده

ملف كامل لتجميد الاطعمه 1ef9ac09c4

[/size]

تتبيل الدجاج ومشتقاته وتفريزه

ملف كامل لتجميد الاطعمه 65534

الاول بفضي حوض المطبخ واغسله
واحط فيه كل الفراخ الي عندي واشيل الجلد بتاعها كلها واقطعها ربعه
وعندي فكره حلوه علي طول عاملاها
عندي برطمان كبير حاطه فيه دقيق وملح خشن وده لغسيل الفراخ وبينفعني لما بيتبقي دقيق من تتبيل اي حاجه بحطه جواه بدل مابرميه
واغسل الفراخ بالدقيق والملح كويس اوي واشيل كل اللزوجه بتاعتها تحت الحنفيه طبعا قطعه قطعه واحطها في مصفاه كبيره
وادلق عليها خل وارجع اشطفها تاني واصفيها
وابتدي اقسمها
ممكن احطها زي ماهي في اكياس ودي تبقي طبيخ او شوي
وممكن اخلي الصدور بانيه لو مش جايبه بانيه لوحده
وممكن اخلي الوراك شيش طاووق وساعات علي فكره بعمله بالصدور برضو بيطلع حلو
وممكن اخد كذا صدر وافرمه واعمله كفتة فراخ
وفي كل الحالات مش برمي العضم ألي بيتبقي بحطه في حله واسلقه عادي وبيطلع عندي شوربه
وممكن كمان اركزها واحفظها في الفريزر وهقولكم ازاي

تتبيلة البانيه

ملف كامل لتجميد الاطعمه MMY94076

نفس تتبيلة بفتيك اللحمه (بصل مبشور وعصير طماطم وخل وملح وفلفل وبهارات ومعلقة زيت)
ونسيبه قبلها بليله وتاني يوم بكسر علي نفس التتبيله بيض يعني حسب الكميه ولو كبيره يبقي خلي البيض في طبق لوحده مع فلفل وخدي من التتبيله وحطي في البيض وبعدين دقيق وبعدين طبق فيه بقسماط وعليه كاري او بهارات وشوية ملح
ورصيهم في طبق جنب بعض وعلي الفرزر ولما يجمدوا قسميهم

ملف كامل لتجميد الاطعمه RhY95461

وفيه طريقه تانيه دي المفضله عندي ومن اختراعي
صويا صوص عادي +معلقة صويا صوص حلو +بهارات وفلفل اسود+ وزعتر ناشف+ ومعلقة خل+ ومعلقة بودرة توم +وطبعا من غير ملح لأن الصويا مالح جدااا
وبسسسسسسسسسس
ونقسمه ونشيله في الفريزر وساعة الطبخ
معلقة زيت في التيفال ونشويه علي الجنبين وكلوا وادعولي حلو اوي للدايت

غير طعمه ألي يجنن

تتبيل الشيش طاووق
نقطع الوراك بعد مانخليها او ممكن الصدور الي مكعبات صغيره
نحضر التتبيله
توم مفروم +مسطرده+معلقتين زبادي+خل+زيت زتون +معلقتين صلصه او كاتشاب+معلقتين زعتر ناشف
ملح وفلفل وبهارات)
ونقسمهم وعلي الفريزر
ودي صورته بس طبعا احنا هنجمده من غير الاسياخ ولا البصل ولا الطماطم ولا الفلفل
ملف كامل لتجميد الاطعمه 38484

ودي برضو طريقة تتبيله تانيه انما تحففففففففففه

كوب سفن اب علية قشطه علية زبادي شوية ملح وملعقة ملح ليمون وفلفل حلو

الاسماك
ملف كامل لتجميد الاطعمه 3th79875

اولا لازم نأكد ان السمك بقدر الامكان يكون طازه وان شاء الله هنعمل موضوع منفصل عن كيفية شراء السمك
وتاني حاجه السمك طبعا بيتنضف عند الراجل وبنعيد علي غسيله في البيت ولازم قبل مايتجمد
يعني مش تدخليه الفريزر وترجعي تغسليه بعد مايفك كده هيتهري

غسيله السمك العادي
اهم اختراع انك بتخصصي فرشة سنان مخصوصه لغسيل السمك والمعلومه دي من واحده حبيبتي اسمها ام البنات المصريه
بنفضيه في الحوض وننضفه من بواقي القشور وبالفرشه نغسل السلسله كويس والبطن بالراحه
ونفضي من برطمانا الكبير الدقيق والملح الخشن وندعكه كوي سواهم حاجه البطن بشويش
وبعدين نشطف واحده واحده ونحطه في مصفاه وبالسكينه نعمل خط او اتنين في نص السمكه عشان نحشي جواه من التتبيله زي البطن

نعمل التتبيله ( توم كتييير مفروم + بصل مفروم+كوباية عصير لمون ويمكن اكتر حسب الكميه +بشر قشر لمون طبعا القشره الخارجيه فقط لأن القشره البيضه هي الي بتمرر+كمون +بهارات سمك +ملح )
ونحشي السمكه كويس ونقسمه يف اكياس وعلي الفريزر

كفتة السمك

[size=21]بيضة
ملح وفلفل أسود وكمون
بيض وبقسماط للتغطية
زيت للتحمير
1كيلو سمك فليه
1/2 كوب بطاطس مسلوقة 1/4 كوب بقدونس مفروم
تعجن المقادير وتفرزن مثل الكفته اللحم والدجاج

الجمبري او الروبيان
لو عايزه تعمليه بانيه بتقشريه وبالسكينه تفتحي خط في الظهر وتشيلي الامعاء بتبقي عباره عن خيط رفيع
وبعدين تشطفيه بالمايه والخل وتعملي التتبيله
توم+كمون+عصير لمون+بهارات سمك وتقلبيه فيها وتجيب يمنخل تحطي فيه دقيق مع بهرات سمك وتقلبيه فيه شويه شويه
لحد ماياخد كذا طبقه وتفرزنيه وساعة التحمير تسويه وهو مجمد من غير مايفك

ولو هتعمليه مشوي مش بتشلي القشره لكن بتفتحي بالسكينه خط في الظهر عشان تشيلي الامعاء

ودي طريقه تانيه بالصور وبتشيلي فيها الراس

الروبيان احجام الصغير ، الوسط والجامبو "الكبير" واللي انا استخدمته الوسط ..

ملف كامل لتجميد الاطعمه Get-yhnz9msb

نفصل الرأس عن باقي الجسم بهالطريقة..

ملف كامل لتجميد الاطعمه Get-4mmtzf5q

باستخدام مقص المطبخ اقطعي مقطع صغير تقريبا 1\2 سم ببداية الجسم من فوق ..

ملف كامل لتجميد الاطعمه Get-b3skplwf

ونسحب خيوط الظهر الملونة باليد وشوي شوي عشان ما ينقطع ..

ملف كامل لتجميد الاطعمه Get-1zrqn5zq

نقص بالمقص ايادي وارجل الروبيان ..

ملف كامل لتجميد الاطعمه Get-1jlp5h66

السبيط او الكالايماري

ملف كامل لتجميد الاطعمه Thrapsala02_499

امسكى بجسم السبيط جيداااا

شدى الراس بشده و بحرص و لفيها بطريقه حلزونيه اذا لزم الامر لتسهيل خروجها

حاولى الاتقطعى كيس الحبر الداخلى

اما ان قطع فسارعى بغسله بالماء

ملف كامل لتجميد الاطعمه Thrapsala03_499

ادخلى يدك الى داخل الجسم و حاولى تنظيفه و شدى الى الخارج

هذا النوع له ساسه عظميه تشبه قطعه البلاستيك الطويله يجب الوصول اليها و التخلص منها

ملف كامل لتجميد الاطعمه Thrapsala05_499

التاكد من التخلص من كل الزوائد و عدم وجود اى بقايااا تحت الماء

ملف كامل لتجميد الاطعمه Thrapsala07_499

تاكدى من نظافته تمامااا

ملف كامل لتجميد الاطعمه Thrapsala08_499

الاداخل نظيف و خالى تماما الا من بقايا قليله للحبر الاسود

ملف كامل لتجميد الاطعمه Thrapsala09_499

نغسله جيداا بالماء الجارى من الداخل و الخارج

ملف كامل لتجميد الاطعمه Thrapsala10_499

الغشاء الخارجى نحتاج ان نزيله

ملف كامل لتجميد الاطعمه Thrapsala11_499

نزعه يكون اسهل و اسرع فى الانواع الصغيره تاكدى من زوال الغشاء كله

ملف كامل لتجميد الاطعمه Thrapsala12_499

الان اصبح السبيط نظيف تماماااا

ملف كامل لتجميد الاطعمه Thrapsala15_499

نقطع الراس و المعده و نرميهم

ملف كامل لتجميد الاطعمه Thrapsala17_499

نقطع الارجل و نفصلهم عن الجسم لتجهيزهم للطهى

ملف كامل لتجميد الاطعمه Thrapsala18_499

نقطع الجسم دوائر او حلقات

مطحون وكم حبة ثوم مدقوق

[/size]

تجميد الخضروات

عند تجميد الخضر الطازجة بنجمدها زى الفاكهه فيما عدا ان ثمار الفاكهه يجب ان تكون تامه النضج سليمة غير معطوبة
اما فى الخضر فقد وجد انها بتكون افضل طعما قبل ان يكتمل نضجها تماما اى فى اول الموسم وخاصه البسلة والفاصوليا الخضراء لان نسبة السكر فى هذه الخضر وهى صغيرة السن تكسبها طعما مستحبا وعندما تصير الثمار كامله النضج يتحول السكر بها الى نشا يفقدها طعمها الحلو ويجعل نسيجها خشن ولونها غير مستحب
تجميد البسلة والفاصوليا الخضراء و الجزر والبطاطس و الكوسة وماشابه من الخضروات
بالنسبة للبسلة
فصصيها واغسليها

تجميد الفاصولياء
اولا تغسل وتقطع اطرافها ثم تقطع اجزاء

ملف كامل لتجميد الاطعمه Beans2wash